www.kabalan.com

نعتذر عن استقبال مايسمى الشعر الحديث
 
الرئيسيةاليوميةس .و .جبحـثالتسجيلدخول

شاطر | 
 

 قصيدة كلب الست

اذهب الى الأسفل 
كاتب الموضوعرسالة
أبومعاذ
عضو فعال
عضو فعال
avatar

عدد الرسائل : 18
العمر : 47
تاريخ التسجيل : 17/12/2008

مُساهمةموضوع: قصيدة كلب الست   الخميس ديسمبر 18, 2008 1:08 pm

بالرغم لعشق الشاعر ل أم كلثوم وصوتها .. وبالرغم انزعاج الكثيرين من هذه القصيده واعتباراها تجريح الا ان الشاعر

لم يستطع منعها عن الناس .. ليس لشئ الا لأنها عبرت (( القصيده )) عن مرحله ما زالت مستمرة في ضياع حق

البسطاء .. واستخفاف القانون بكثير من الاحيان بحقوق الفقراء ؟؟؟؟

فى الزمالك من سنين

وف حما النيل القديم

قصر من عصر اليمين

ملك واحدة من الحريم

صيتها اكتر م الادان

يسمعوه المسلمين

والتتر والتركمان

والهنود والمنبوذين

ست فاقت ع الرجال

فى المقام والاحترام

صيت وشهره وتل مال

يعنى فى غايه التمام

قصره يعني هى كلمة

ليها كلمه فى الحكومه

بس ربك لجل حكمه

قام حرمها م الامومه

والامومه طبع ثابت

جوه حوا من الزمان

تعمل ايه الست جابت

فوكس رومي وله ودان

فوكس دا عقبال املتك

عندة دستة خدامين

يعنى مش موجود فى عيلتك

شخص زية يا اسماعين

واسماعين دا يبقى واحد

م الجماعة التعبانين

اللي داخوا فى المعاهد

والمدارس من سنين

حب يعمل واد فكاكة

يمشي حبة فى الزمالك

والقيامة والفتاكة

يرموا طبعا ع المهالك

عم سمعة من قيامتة

حب يعمل فيها فلة

بعد ما الوظ بيجامتة

اشترى حتة مجله

قول مشي يقرا فى حكاية

من حكايات الغرام

واندماجة فى القرايه

خلا مشيه مش تمام

ع اليمين يحدف بعيد

خطوتين ويروح شمال

لمحه فوكس من الحديد

قال دا صيد

سهل حلال

هب نط فى كرشه دوغري

جاب بيجامته لحد ديلها

اسماعين بدال ما يجري

قال يا رجلي

رجلى مالها ؟

بص شاف الدم سايح

من عاليها ومن واطيها

وياللى جاي

وياللي رايح

المجله مش لا قيها

حبه واتلموا الظنايا

اللى هما البوابين

والحكايه والروايه

قال لهم

دا كلب مين؟؟

كلب مين !!

ما كلب مينشى

سمعه لبخ حبتين

قال واحد منهم

امشى

اللى جابك عنده مين؟

قال دا شارع يا مواشي

والجميع بيمر منه

اللى راكب

اللى ماشى

مستحيل نستغنى عنه

كلمه من دا

وكلمه من دا

ظاطو واترسمت فضيحه

قول نهايته

القصد من دا

اسماعين اكل الطريحه

راحو قسم الشرطه طبعا

والنيابه كفيله بيهم

واترموا فى الحجز جمعا

لما ييجي الدور عليهم

حبة والشاويش امين

قال : سعيد النقشيندي

قام غريم عم اسماعين

قال له:

محسوبك يا افندي

قام سي سمعه

يروح معاه

الشاويش قال :

غور بدمك

راح تعوصنى

وفوق قفاه

كف طرقع

داهيه ف امك

تفتكر يفضل سي سمعه

قد ايه فى القسم نايم ؟

استضافه الحجز جمعه

يا بلاش

ادي العزايم

شاف بلاوي

ما تتحكيش

م الديابه المسجونين

قال يا عالم

يا شاويش

يا نيابه

يامسئولين

خلصوه بعد المناهده

جثه من جحر الديابه

هى يمكن ساعه واحده

كان فى مكتب النيابه

قال له مالك يااسماعين

قال لة زي البمب ... مالي ؟

قال له عضك فوكس فين

قال له سيبنى اروح لحالي

انت شوف سي فوكس يمكن

خد تسمم

غصب عني

الوكيل قال برضة ممكن

والشاويش

قعد يغنى

انت فين والكلب فين

انت قدة يا اسماعين

طب دا كلب الست يا ابني

وانت تطلع ابن مين

بشري لصحاب الديول

واللى له اربع رجول

بشرى لسيادنا البهايم

من جمايس او عجول

اللى صاحبه يا جماعه

له غناوي

فى الاذاعه

راح يدوس فوق الغلابه

والنيابه .. بالبتاعه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
زياد
Admin
avatar

عدد الرسائل : 142
العمر : 59
الموقع : www.dr-kabalan.com
تاريخ التسجيل : 17/12/2008

مُساهمةموضوع: رد: قصيدة كلب الست   السبت ديسمبر 20, 2008 7:44 am

والشاويش

قعد يغنى

انت فين والكلب فين

انت قدة يا اسماعين

طب دا كلب الست يا ابني

وانت تطلع ابن مين

بشري لصحاب الديول

واللى له اربع رجول

بشرى لسيادنا البهايم

من جمايس او عجول

اللى صاحبه يا جماعه

له غناوي

فى الاذاعه

راح يدوس فوق الغلابه

والنيابه .. بالبتاعه


تلخيص رائع لحالة لاتزال سائدة في مجتمعاتنا
فلازال كلب البيك بيك
ولازال هناك ملايين من "اسماعين"

سلمت يداك ابا معاذ.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://kabalan.yoo7.com
 
قصيدة كلب الست
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
www.kabalan.com :: الفئة الأولى :: احمد فؤاد نجم-
انتقل الى: