www.kabalan.com

نعتذر عن استقبال مايسمى الشعر الحديث
 
الرئيسيةاليوميةس .و .جبحـثالتسجيلدخول

شاطر | 
 

 من هو؟؟؟

اذهب الى الأسفل 
كاتب الموضوعرسالة
زياد
Admin
avatar

عدد الرسائل : 142
العمر : 60
الموقع : www.dr-kabalan.com
تاريخ التسجيل : 17/12/2008

مُساهمةموضوع: من هو؟؟؟   الأربعاء ديسمبر 17, 2008 6:01 pm

احمد فؤاد نجم (مواليد 1929 - محافظة الشرقية) أحد أهم شعراء العامية في مصر و أحد ثوار الكلمة و اسم بارز في الفن و الشعر العربي الملتزم بقضايا الشعب و الجماهير الكادحة ضد الطبقات الحاكمة الفاسدة ، وبسب ذلك سجن ثمانية عشر عاما . يترافق اسم احمد فؤاد نجم مع ملحن و مغن هو الشيخ إمام ، حيث تتلازم أشعار نجم مع غناء إمام لتعبر عن روح الاحتجاج الجماهيري الذي بدأ بعد نكسة حزيران 1967 .

قال عنه الشاعر الفرنسي لويس أراجون : إن فيه قوة تسقط الأسوار ، و أسماه الدكتور علي الراعي "الشاعر البندقية" في حين يسميه : أحد الحكام العرب و هو أنور السادات : "الشاعر البذيء" .

وفي عام 2007 إختارته المجموعة العربية في صندوق مكافحة الفقر التابع للأم المتحدة سفيرا للفقراء
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://kabalan.yoo7.com
زياد
Admin
avatar

عدد الرسائل : 142
العمر : 60
الموقع : www.dr-kabalan.com
تاريخ التسجيل : 17/12/2008

مُساهمةموضوع: رد: من هو؟؟؟   الأربعاء ديسمبر 17, 2008 6:02 pm

حياته:
ولد احمد فؤاد نجم لأم فلاحة أمية من المنيا (هانم مرسى نجم) و اب يعمل ضابط شرطة ( محمد عزت نجم ) و كان ضمن سبعة عشر ابن لم يتبق منهم سوى خمسة والسادس فقدته الأسرة و لم يره ، التحق بعد ذلك بكتّاب القرية كعادة اهل القري في ذلك الزمن.

وقد أدى وفاة والده إلى انتقاله إلى بيت خاله حسين بالزقازيق حيث التحق بملجأ أيتام 1936 - و الذى قابل فيه عبد الحليم حافظ- ليخرج منه عام 1945 و عمره 17 سنة بعد ذلك عاد لقريته للعمل راعي للبهائم ثم انتقل للقاهرة عند شقيقه إلا أنه طرده بعد ذلك ليعود إلى قريته.

بعدها بسنوات عمل بأحد المعسكرات الإنجليزية و ساعد الفدائيين في عملياتهم ، بعد إلغاء المعاهدة المصرية الإنجليزية دعت الحركة الوطنية العاملين بالمعسكرات الإنجليزية إلى تركها فاستجاب نجم للدعوة و عينته حكومة الوفد كعامل بورش النقل الميكانيكي و في تلك الفترة قام بعض المسؤلين بسرقة المعدات من الورشه وعندما اعترضهم اتهموه بجريمة تزوير استمارات شراء كذباً مما أدى إلى الحكم عليه 3 سنوات بسجن قره ميدان حيث تعرف هناك على اخوه السادس ( على محمد عزت نجم ) وفي السنة الأخيرة له في السجن اشترك في مسابقة الكتاب الاول التى ينظمها المجلس الأعلى لرعاية الآداب و الفنون و فاز بالجائزة و بعدها صدر الديوان الأول له من شعر العامية المصرية ( صور من الحياة والسجن) و كتبت له المقدمة سهير القلماوي ليشتهر و هو في السجن.

وبعد خروجه من السجن عُين موظف بمنظمة تضامن الشعوب الآسيوية الأفريقية و أصبح أحد شعراء الإذاعة المصرية و أقام في غرفة على سطح أحد البيوت في حي بولاق الدكرور بعد ذلك تعرف على الشيخ إمام في حارة خوش قدم (معناها بالتركية قدم الخير) أو حوش آدم بالعامية ليقرر أن يسكن معه و يرتبط به حتى اصبحوا ثنائي معروف و اصبحت الحارة ملتقى المثقفين ومن أهم اشعار احمد فؤاد نجم كتابته عن جيفارا رمز الثورة في القرن العشرين

حصل الشاعر على المركز الأول في استفتاء وكالة أنباء الشعر العربي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://kabalan.yoo7.com
زياد
Admin
avatar

عدد الرسائل : 142
العمر : 60
الموقع : www.dr-kabalan.com
تاريخ التسجيل : 17/12/2008

مُساهمةموضوع: تذكرة مسجون   الأربعاء ديسمبر 17, 2008 6:05 pm

الاسم : صابر

التهمه : مصري

السن : اجهل اهل عصري

لرغم انسدال الشيب ضفاير

من شوشتى

لما لتحت خضري

المهنه : وارث

عن جدودي

والزمان

صنع الحضاره

والنضاره

والامان

البشره : قمحى

القد : رمحى

الشعر : اخشن م الدريس

لون العيون : اسود غطيس

الانف : نافر كا لحصان

الفم : ثابت فى المكان

واما جيت ازحزحه

عن مطرحه

كان اللى كان

جهه الميلاد: فى أي اوضه مضلمه

تحت السما

على ارض مصر

من أي دار وسط

النخيل

مطرح ما يجري النيل

ما دام ما يكونش قصر

الحكم: من سبع تلاف سنه

وانا راقد سجين

اطحن على ضراسي الحجر

من الضجر

وابات حزين

الاسباب : سالنى سائل

حبستك طالت

وليه

ولانى طيب

وابن نكته

ما فيش مخالفه ركبتها

ضد القانون

لانى خايف

والقانون سيفه ف اديه

تسأل عليّ المخبرين

فى أي حين

تسمع وتفهم قصتي

الف وبيه

الاسم صابر ع البلا

ايوب حمار

شيل الحمول من قسمتى

والانتظار

اغرق فى انهار العرق

طول النهار

والم همى فى المسا

وارقد عليه

عرفت ليه ؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://kabalan.yoo7.com
زياد
Admin
avatar

عدد الرسائل : 142
العمر : 60
الموقع : www.dr-kabalan.com
تاريخ التسجيل : 17/12/2008

مُساهمةموضوع: رد: من هو؟؟؟   الأربعاء ديسمبر 17, 2008 6:08 pm

البتاع


" قصيدة البتاع "

كتبها في هجاء سياسة السادات الإنفتاحية والتحررية التي كان يدعيها .
هذه القصيدة سبق ونشرها حبيبنا " خالد الاحمد " في منتدى المظلوم سالم .
وها انا انشرها لكم بالصوت والصورة .

" البتاع "

ياللي فتحت البتاع
فتحك على مقفول

لأن أصل البتاع
واصل على موصول

فأى شئ في البتاع
الناس تشوف على طول

والناس تموت في البتاع
فيبقي مين مسؤول ؟

وإزاي حتفتح بتاع
في وسط ناس بتقول

بأن هذا البتاع
جاب الخراب بالطول

لأنه حتة بتاع
جاهل غبي مخبول

أمر بفتح البتاع
لأنه كان مسطول !

وبعد فتح البتاع
جابوا الهوا المنقول

نكس عشوش البتاع
وهد كل أصول

وفات في غيط البتاع
قام سمم المحصول

وخلا لون البتاع
أصفر .. حزين .. مهزول

وساد قانون البتاع
والعله والمعلول

فالقاضي بتع البتاع
فالحق ع المقتول

والجهل زاد في البتاع
ولا مقري ولا منقول

والخوف سرح في البتاع
خلا الديابه تصول

ويبقي البتاع في البتاع
والناس صايبها ذهول

وأن حد قال دا البتاع
يقولوا له مش معقول

وناس تعيش بالبتاع
وناس تموت بالفول

وناس تنام ع البتاع
وناس تنام كشكول

آدي اللي جابه البتاع
جاب الخراب بالطول

لأنه حتة بتاع
مخلب لراس الغول

باع البتاع بالبتاع
وعشان يعيش على طول

عين حرس بالبتاع
و برضه مات مقتول


اضغط هنا لتحميل القصيدة
****************

وأيضا هذه القصيدة التي ألقاها نفس الشاعر بمناسبة خطبة نجل حصني اللامبارك

مبروك يا عريسنا
يا أبو شنه ورنه
يا واخدنا وراثه

أطلب و اتمنى
و أخرج من جنه
أدخل على جنه

مش فارقة معانا
و لا هارية بدنا
و لا تاعبه قلوبنا

يا عريس الدولة
أفرح و أتهنى
ما أحناش كارهينك
لكن هارشينك
ح تكمل دينك
و تطلع دينا

**********
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://kabalan.yoo7.com
 
من هو؟؟؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
www.kabalan.com :: الفئة الأولى :: احمد فؤاد نجم-
انتقل الى: