أهل الزجل

لأول مرة ينتابني الشعور بالرهبة وأنا اساهم في موقعا أدبيا
كيف لا وأنا أدخل إلى موقعا يحمل اسم الشاعر الكبير والرجل الفاضل المرحوم خليل قبلان .

أهل الزجل قالوا الزجل بستان
من كل زهرة بتنقطف نجمه

وبتنوزن الحروف بالميزان
متل الذهب قيراطها الكلمه

في شاعر بيكتب من الوجدان
ويوقد حروفو سراج بالعتمه

وشاعر بيغزل مهجتو خيطان
كنزة دفا تحمي من الزهمة

وشاعر بيحفرعصخر صوان
تيلين قلب الصم بالحكمة

يا رفيق عمري يا ابو حيان
من رغيف شعرك طابت اللقمه

يا ابن شاعر للوفا نيشان
من يوم بومحمد تركنا وراح

يتمك ياخيي يالشعر يتمي

مات الخليل..ونبع الشعر بعدو

ينضح قوافي حافظة وعدو

مات الخليل وبعدها الفرسان

عانبع بومحمد فجر يغدوا

يسقوا قلام الشعر بالوجدان

حتى قصايد شعرهن يبدو

وتايمزجوا الأفكار بالألحان

وأحلى القوافي للحلا يهدو

لازم عامنبر بي بوحيان

قبل الفجر يتعلموا يحدوا

مات الخليل وكان ياماكان

في شيخ غافي بصومعة وحدو

يصحى عابكرا يمجّد الديان

ويغفى المسا هلكان من وجدو

بليلة شتي ،لما غفي وبردان

صار الشعر يفرش غطا حدو

ردّة حدا، ردة غزل عطشان

وردّة معنى تنام عازندو

فتّح عيونو من الحلم "نقزان"

ونفسو يصدّق ، بس مابدو

يقلو الشعرلولاخليلي مات

باقي الي" تيسير" من بعدو

رائع رائع رائع ، والله ما عندي كلام يوفي ما قرأت حقه
خاصة النصف الثاني من مداخلة الدكتور زياد .
الله يحمي الأخوة تيسير وزياد .

دكتور : بس دلني على طريق الوحي اللي هداك ، أو اهتدى لأشجانك حتى يتدثر بها ، وقد أتاك بأروع صور شعرية .
مات الخليل وكان ياماكان

في شيخ غافي بصومعة وحدو

يصحى عابكرا يمجّد الديان

ويغفى المسا هلكان من وجدو

بليلة شتي ،لما غفي وبردان

صار الشعر يفرش غطا حدو

ردّة حدا، ردة غزل عطشان

وردّة معنى تنام عازندو

فتّح عيونو من الحلم "نقزان"

ونفسو يصدّق ، بس مابدو

يقلو الشعرلولاخليلي مات

باقي الي" تيسير" من بعدو

بصراحة ، ما وصل بي الشعر يوماً إلى أكثر من هذا
تسلم أناملك

على فكرة : هذه أول مداخلة لي بهذا الموقع ، حيث تشرفت بالتسجيل به منذ لحظات ، وقد لحقت بعباءة أبو حيان وأبو أايمن
شكراً

زائر كتب:

لأول مرة ينتابني الشعور بالرهبة وأنا اساهم في موقعا أدبيا
كيف لا وأنا أدخل إلى موقعا يحمل اسم الشاعر الكبير والرجل الفاضل المرحوم خليل قبلان .

أهل الزجل قالوا الزجل بستان
من كل زهرة بتنقطف نجمه

وبتنوزن الحروف بالميزان
متل الذهب قيراطها الكلمه

في شاعر بيكتب من الوجدان
ويوقد حروفو سراج بالعتمه

وشاعر بيغزل مهجتو خيطان
كنزة دفا تحمي من الزهمة

وشاعر بيحفرعصخر صوان
تيلين قلب الصم بالحكمة

يا رفيق عمري يا ابو حيان
من رغيف شعرك طابت اللقمه

يا ابن شاعر للوفا نيشان
من يوم بومحمد تركنا وراح

يتمك ياخيي بالشعر يتمي

تيسير نصرالدين

د.زياد كتب:

مات الخليل..ونبع الشعر بعدو

ينضح قوافي حافظة وعدو

مات الخليل وبعدها الفرسان

عانبع بومحمد فجر يغدوا

يسقوا قلام الشعر بالوجدان

حتى قصايد شعرهن يبدو

وتايمزجوا الأفكار بالألحان

وأحلى القوافي للحلا يهدو

لازم عامنبر بي بوحيان

قبل الفجر يتعلموا يحدوا

مات الخليل وكان ياماكان

في شيخ غافي بصومعة وحدو

يصحى عابكرا يمجّد الديان

ويغفى المسا هلكان من وجدو

بليلة شتي ،لما غفي وبردان

صار الشعر يفرش غطا حدو

ردّة حدا، ردة غزل عطشان

وردّة معنى تنام عازندو

فتّح عيونو من الحلم "نقزان"

ونفسو يصدّق ، بس مابدو

يقلو الشعرلولاخليلي مات

باقي الي" تيسير" من بعدو

كنت بخيالي قاعد بفسحة جنون ------- امحي ظنون بخاطري ودون ظنون

شفت الحرف بالضم بيعانق سكون ------- ومابين كاف ونون يتبلور الكون

مديت قلبي بساط فوق الزيزفون -------- وسورت حولو سياج من رمش العيون

وعملت منبر ارتجالي تايكون--------- كلمة وفا وإخلاص لصحاب الديون

ومن هون كانت جمهورية افلاطون ------ وجملة شكسبير الأكون ولا أكون

ولما بنى الإهرام توت العنخ أمون ----- من ريشة الشعار شيد هالفنون

وطور السنين وتين... والزيتون -------- شفت الكواكب ساجدي بلحظة سكون

وعا كرسة المنبر شفت شاعر جليل -------- وحدو زياد يقول يابيي الحنون


تيسير نصرالدين

انت الاصيل وذوقك الأجمل

انت القصيدة ومهرها الأكحل

انت الكياسة والغنى والذوق

ان مرّت عليك " بنفسجة" بتخجل

انت الوعي انت الهوى والشوق

شايخ عاعرش الشعر ما بتنزل

لطفك جدللي حول عنقي طوق

بزعل اذا قالوا في غيري كبير

لكن اذا " تيسير" ما بزعل.

الكبير انت وفوق مهرك معتلي

تختال عالمنبر بهيبة ومرجلي

ياشاعر العندو القوافي مدللي

وحرف الغوى بي خزنة فكاروغلي

شوف الصبايا ناطرا ومتأملي

كلمة غزل تفتح بواب المقفلي

تتمد ايدا عزارار مبكّلي

وعبابها من الحر عمتغلي غلي

بلكي اذا طيرين فرو من لقفص

يحطو عغصن شواقنا ويبقو الي

كبير القدر، والقلب يارفيقي شباب
وزندي لوى سيوف الهنادي ع القراب

عرشي بنيتو بالعزم فوق السحاب
ومن تحت كرسة منبري مرّ الضباب

الله خلقني شب حلو ومستهاب
ولما بمر " الأم" تحسبلي حساب

وحتى ماندخل في سجالات وعتاب
ومين السرق شهقات من عب العباب

رح جاوبك وبقلك بأوضح خطاب
قدي وقوامي الجننو صحاب الرضاب

يعني الصبايا كلهن بيحضرتي
وباقي العجايز ناطرينك عالبواب

يارفيق حاجي تهد عدروب الغوى
شفنا سيوف الراعفي بوقع النوى

سيوف الهنادي بتنكسر ما بتنلوى
وقصة زنودك من طواحين الهوى

وهم البطولة وأنت مهدود لقوى
حالة مرض بالطب ما الها دوى

شو همنا من الرعد لوهز اللوى
ووالزرع ضلو بعفيرو ما رتوى

تركتلك فواج الصبايا لحضرتك
رجعت لعندي كلها بحكم الهوى

رجعوا الصبايا لحضرتك معهن ورق
عا اربع ركانو بهوى اللهفة احترق

رجعوا ليشكولك على شاعر سرق
عن وجنة الحلوين شتلات الحبق

شاعر بحسنو بعد الله ماخلق
بيكهرب العالم اذا جفنو طبق

وبحكم انك شيخ بالحكمة نطق
من بعد ما السبعين ابوابو طرق

رجعوا لحتى ياخذوا من حضرتك
حجابات تحميهن عا آخر مفترق

رجعو الصبايا للمزايا الطيبي

رجعوا يطوفو حول بيت الموهبي

رجعوا لشيبي بيعرفوها مشبشبي

وتحت الرماد الجمر بعدو مختبي

عرفوا الفرق بين الفعل و الخلبي

والفرق بين العاقر وإم الصبي

من بعد ما فرجيتهن أنك نبي

وراهب برهبنتو رفيع المرتبي

الي عصدرك ترتجف من بردها

صارت على صدري تقول مشوبي

الله الله يا خال على هالخاتمي .....
بصراحة كللها حلوي وموزوني بس زيينتها أخر ردي

الله يوفقكون لعطول تتحفونا بهالكلام الحلو

أهلا ياطاهر ضيف عامحك العقول
المثلك مابدو اذن رسمي للدخول

اوقف خلف خالك مارح عدك عذول
الختيار بدو دعم تايقدر يقول

خالك ياطاهر مثل جندي عم يصول
من خلف دشمة تعمرت حسب الأصول

لا قادر يقوّس ولا قادر يطول
ولا قادر يرد الجحافل والفلول

مضى حياتو بخلوتو زهد وذهول
فطورو صلا ،نهارو صلا بتقدر تقول

ما لو على طرد الهوى همة ذلول
رلا لو على الميدان همة للنزول

وقف معو يا صاحبي بلكي يصول
وتاتحمسو زيد القرع فوق الطبول

لكن ياطاهر صعب تتحدو المهول
ايلي بنى منبر على الصدر الخجول

انت الطهر عا اسمك معلق وسام
وعندو الطهر قول وفعل مثل البتول

taisir nasreddin كتب:

رجعو الصبايا للمزايا الطيبي

رجعوا يطوفو حول بيت الموهبي

رجعوا لشيبي بيعرفوها مشبشبي

وتحت الرماد الجمر بعدو مختبي

عرفوا الفرق بين الفعل و الخلبي

والفرق بين العاقر وإم الصبي

من بعد ما فرجيتهن أنك نبي

وراهب برهبنتو رفيع المرتبي

الي عصدرك ترتجف من بردها

صارت على صدري تقول مشوبي

لما الصبايا قرروا ما يعنّسوا

ولابدهن بأزمات "مال" يفلّسوا

عاملعبي نزلوا لحتى يدرسوا

أفواج، والمرمى بصدورن يحرسوا

(زيكو) كنت بالملعب الي مأسسو

عاكتاف آهات الظهور القوّسو

ومن بعد مالأهداف مني تكرسو

وحسيت عاجفون الصبايا نعوسو

وحيثك انت " قُرقة" عجوز ورابخة

وديتهن عا حمّ صدرك يفقسوا

taisir nasreddin كتب:

يارفيق حاجي تهد عدروب الغوى
شفنا سيوف الراعفي بوقع النوى

سيوف الهنادي بتنكسر ما بتنلوى
وقصة زنودك من طواحين الهوى

وهم البطولة وأنت مهدود لقوى
حالة مرض بالطب ما الها دوى

شو همنا من الرعد لوهز اللوى
ووالزرع ضلو بعفيرو ما رتوى

تركتلك فواج الصبايا لحضرتك
رجعت لعندي كلها بحكم الهوى

لو تسمحولي شارك ببعض الردود
وانطر نتيجة ســـاعدي بهز الورود

عارف أبو حيان ما بحــــاجة جنود
وقادر لوحـدو يذود عن كل الحدود

أمــا الماهمّـــو للـــوى هز الرعود
ينصت ويســـمع حِكم بيّو و الجدود

غلال اللــوى من يومها سعرا بزود
ولو إمحـل الريــــــــان لوانا بجود

أمــا إذا طب المحـل أرض اللوى
راح الجبل بأربـــــــع ركانو ينود

مين الي قال العنب بعدو ما استوى
بكرمك يانواف المواهب والقوى

شاعر انت، عالمنبر منقعد سوى
نكوي قلب بالحب بعدو ما انكوى

عنتر قبل منا بمنعرج اللوى
عنا انتخى،وبالمعركة سيفو ارتوى

بسيفو يداوي كان اعناق الرجال
ونحنا لأحلى خصورعم نوصف دوا

د.زياد كتب:

مين الي قال العنب بعدو ما استوى
بكرمك يانواف المواهب والقوى

شاعر انت، عالمنبر منقعد سوى
نكوي قلب بالحب بعدو ما انكوى

عنتر قبل منا بمنعرج اللوى
عنا انتخى،وبالمعركة سيفو ارتوى

بسيفو يداوي كان اعناق الرجال
ونحنا لأحلى خصورعم نوصف دوا

ونحنـــا لأحـــــــلى خصور منشدّ اليراع
ولزورق الإلهـــــــام منركّب شـــــــراع

والفـــــؤاد البكــــــــر نكويــــــــه التياع
بلذة جـــــــــواد القيـــس بالأرض اليفاع

ومـــــن بعــــد مارديت عَ الماضي لفاع
جيت أبــو حـــــــيان صحّيت الوجـــاع

وأضـحى منــــاي جالســـــــك عَ منبرك
تا ظل أقبس من شمس شِعرك شــــــعاع

د.زياد كتب:

أهلا ياطاهر ضيف عامحك العقول
المثلك مابدو اذن رسمي للدخول

اوقف خلف خالك مارح عدك عذول
الختيار بدو دعم تايقدر يقول

خالك ياطاهر مثل جندي عم يصول
من خلف دشمة تعمرت حسب الأصول

لا قادر يقوّس ولا قادر يطول
ولا قادر يرد الجحافل والفلول

مضى حياتو بخلوتو زهد وذهول
فطورو صلا ،نهارو صلا بتقدر تقول

ما لو على طرد الهوى همة ذلول
رلا لو على الميدان همة للنزول

وقف معو يا صاحبي بلكي يصول
وتاتحمسو زيد القرع فوق الطبول

لكن ياطاهر صعب تتحدو المهول
ايلي بنى منبر على الصدر الخجول

انت الطهر عا اسمك معلق وسام
وعندو الطهر قول وفعل مثل البتول

بصبح عليكون بتحيي مهذبي
بهالكم ردي مش عقد المرتبي

عمي ابو حيان يا صاحب تجربي
كتبك بتشهد وشعرك بدو مكتبي

لكن اسمحلي في مقولي محببي
إبن الإخت للخال لو كننو نبي

السموحة....

ابن الأخت للخال لا ما بنصحك
حيث التجارب اثبتتها عالمحك

يا انت بتباطح تتقعد مطرحو
يامّا بيحفرلك تايقعد مطرحك

وأضـحى منــــاي جالســـــــك عَ منبرك
تا ظل أقبس من شمس شِعرك شــــــعاع[/quote]

عامنبر الإلهام، ، والشعر الرقيق
تفضل عاكرسي شلتها لأغلى صديق

ولاتخاف لولا بالشعر طال الطريق
وهب الهوى عاحفاف منبرنا العتيق

الله خلقني للشعر زفرة وشهيق
والقافية بتشحذ من حروفي بريق

اشعري دفق طوفان بالمعنى الدقيق
البحر بيي ، والحرف خيي الشقيق

اقعد معي ياصاحبي وخلي العقيق
يفرش على المنبر من حروفك رحيق

انت وانا بهالمعركة صرنا فريق
يجلجل سما الالهام بالحرف الطليق

وان ضاقت حروف القوافي بمطلعك
من حبر دمي شيل تاتشق المضيق

طاهرإجى تيزيد وهرة بالمكان
عصهوة المجد وصهيل العنفوان

واقف عباب القافية صرلو زمان
ناطر لصوت يخاطبوعليك الامان

بيعرف اذا خالو بيومي بالبنان
بهز هالمنبر من الأربع ركان

وبحيث طاهر شاعروفارس كمان
للسيف والضيف ولغدرات الزمان

راح سلمو تاج الملك والصولجان
وأمر الرعية والبلاغة والبيان

وهو بمعرفتو على المسرح يجول
وأبقى انا مشغول مع غيد الحسان

تيسير نصرالدين

[]

لو تسمحولي شارك ببعض الردود
وانطر نتيجة ســـاعدي بهز الورود

عارف أبو حيان ما بحــــاجة جنود
وقادر لوحـدو يذود عن كل الحدود

أمــا الماهمّـــو للـــوى هز الرعود
ينصت ويســـمع حِكم بيّو و الجدود

غلال اللــوى من يومها سعرا بزود
ولو إمحـل الريــــــــان لوانا بجود

أمــا إذا طب المحـل أرض اللوى
راح الجبل بأربـــــــع ركانو ينود


----------------------------

نواف جيت بوقتك تشد العزم
وسنود بوحيان لو امرو لزم

جيش الزجل مع قايدو راح ينهزم
عندي القوافي طايعة بحرف الجزم

ببقى أنا بعُرف المنابر ملتزم
ودروس للشعار بعطيها بحزم

قلو لبوحيان لايناطح جبل
اللي بيحمل فوق وزنو بينقزم

تيسير نصرالدين

فوق الوزن ، تحت الوزن مش مشكلة
المشكل بأنو هيك ردّة مش الي

اشاعر انا قضى حياتو معتلي
عاصهوة الأفكار راعي الأولي

وعامنبرو ركعت جيوش مجحفلة
والما ركع مصلوب فوق الجلجلة

خمسين عام الدم عم يغلي غلي
وبكل ردّة شعر فجّر قنبلة

مافي ولا شاعر يوم جاب معدلي
الا ما ناحت فوق راسو الأرملة

ومن بعد ما اسمي على المنبر علي
وشق الفضا صوتي هدير وترغلة

جايي عجوز مسنَّد بعكازتو
يعرض على شيوخ القوافي مرجلة

د.زياد كتب:

وان ضاقت حروف القوافي بمطلعك
من حبر دمي شيل تاتشق المضيق

صرلي زمـــــان بعتّق حـــروف القصيد
فضّ الخــــــتم عـــــن قافها بهاليوم عيد


عبقــــر قصدتا ومَرجــعت منها بجــديد
قـــــالت كنـــوز الشــــام لفكارك عبيــد


اجــــدل عطـر وانثر زهورك يا صـريد
ياســـمين فلّ بمنبر الشــــــام الفريــــــد


ومـــن بـعد ما اختصيت بالكرسي العتيد
عــــا منبر الإلــــــهام و الــــدرّ النضـيد


ابشـــر ترى بحروف أمضى من الحديد
متخيّــــــرا من جـــــوهر العقد الفريـــد


ولِلمعــركة يـــوما, و إذا حـــمي الوطيس
طــــوّبت باسمك كل ما ضمو الوريـــــد



نواف

الله يانواف ياشاعر عنيد
كل االمنابر ضايجي بدا المزيد
حامل بإيد سيوف آل التبعي
والأبجدية والقوافي بفرد إيد

taisir nasreddin كتب:

الله يانواف ياشاعر عنيد
كل االمنابر ضايجي بدا المزيد
حامل بإيد سيوف آل التبعي
والأبجدية والقوافي بفرد إيد

نواف، انت، وكل من خط بقلم
عاصفحة الإبداع بحروفو ختم

فتحتلكن بقلبي مضافة عامرة
وقلبي وانا لحروفكن صاروا خَدَم

جايي عجوز مسنَّد بعكازتو
يعرض على شيوخ القوافي مرجلة
--------------------------

باشاعر الشلتك على راح الكفوف
وقلتلك تربّع على عرش الحروف

وعجنينتي الكبروا زهورا بالالوف
شرعّتها وقلتلك تفضل قطوف

وبحيث قلب الشاعربطبعوعطوف
طيرت الفراشات من حولك الوف

وانشد بقلبي الوتر...قلك عزوف
لنطرب الجمهور هالناطر وقوف

لكن بأول قافية شهرت السيوف
وصرت باديك الخايفي تخّوف الخوف

جرحت العتابا والرصد والميجنا
وبين الضحايا كان يمكن بوالزلوف



تيسير نصرالدين

تانطرب الجمهور،ونخلي القصيد
يفتح مجالو عاسما الأفق البعيد

لازم عاعرش المملكة نخلي الحديد
واقف عاجنب،ونفرد الدر النضيد

وبدل الحدا والحوربة وصوت الوعيد
وبدل الغواني والقناني والنبيد

عامنبر الأشعار يارفيقي العتيد
ان بدك قوافي نار من قلب الجليد

غنوا معي عا أرض غزة الصامدة
ومع كل شطرة ننحني قبال الشهيد

أنا يا صاحبي بحكم الريادي
كلامي كفر وسكوتي عبادي
بعد ماشفت بغزة المجازر
نسا وأطفال عرضة للإبادي
خذو الإيمان بدي صير كافر
وعلى منبر كفر إدلي الإفادي
ما بدي بالشعر اكتب دفاتر
لناس بيكتبوا موتن شهادة
لأم الفارقت من دون خاطر
وعلى جثمانها طفلا ينادي
لطفل الكان باب البيت ناطر
بلحظة شاف حالو بالعيادة
لؤي يصيح لاتطفو المحاجر
تأغرس نظرتي بوجه الاعادي
أنا مظطر حارب بالاظافر
لأن الحرب مافيها هوادي
مابدي زيد بكسر الخواطر
لخبركن عن اسود البوادي
رجال الله من أحلى كوادر
ذخيرة حربهن كلها إ رادة
وامة نايمة بحلما العاقر
بغزة وحدها اليوم الولادة
اذا كافور ناطور المعابر
عليكي الف رحمة يابلادي
بعد ماصار شيخ البيت عاهر
بأهل البيت راح تعبث ايادي

[quote="taisir nasreddin"][]



نواف جيت بوقتك تشد العزم
وسنود بوحيان لو امرو لزم

جيش الزجل مع قايدو راح ينهزم
عندي القوافي طايعة بحرف الجزم

ببقى أنا بعُرف المنابر ملتزم
ودروس للشعار بعطيها بحزم

قلو لبوحيان لايناطح جبل
اللي بيحمل فوق وزنو بينقزم
ــــــــــــــــــــــــــــــــــــــــــــــــــــــــــــــــــــــــــ
تيســــــــــير! جيت البارحـــة عـــا ملعبي
ترمـــي ســــــــهامك عــا رجــال الموهبة


بعطيك هدنــــة تـــا جيوشـــــك تســــحبي
هدنــــة ســــــداها من شـــــريعة مـــذهبي


مـــن قبل ما ســـــل الســــــــيوف مهذّبـــة
بضربٍ يشــيبلو الراس لو شـــــافو الصبي


تلقـــى الفوارس مثل حـــــب بمحســـــــبي
طـــرح وجـــــمع نـــــزّل وعلّي المرتبــــة


أمــــــــا إذا كابـــرت عـــن ســـمع النـصح
إحـــــــــذر تــرى ! مــــــالك عليّ معتبــــة
نواف

د.زياد كتب:

taisir nasreddin كتب:

الله يانواف ياشاعر عنيد
كل االمنابر ضايجي بدا المزيد
حامل بإيد سيوف آل التبعي
والأبجدية والقوافي بفرد إيد

نواف، انت، وكل من خط بقلم
عاصفحة الإبداع بحروفو ختم

فتحتلكن بقلبي مضافة عامرة
وقلبي وانا لحروفكن صاروا خَدَم

ــــــــــــــــــــــــــــــــــــــــــــــــــــــــــــــــــــــ
حـــامل بإيـــــــــــدي ســـــــيوف مع صربة رجـــال
ولاهــــــــــل الكرم و الجــــــــــود بتخطى المحــال

مــــــا شافت عيـــــــــــوني مثيلك دون كيشــــــــوت
حـــــامل لوحــــــــدو رمـــــــــــاح يتحــــدى الظلال

مش عارف ان كان الحكي بينفع
والا السكوت بهالوضع انفع

مين الي قال؟ ومين بدو يقول
وكيف الحكي ياصاحبي بيطلع؟

وغزة الجريحة والطفل مقتول
عا حضن امو كان عم يرضع

وخيو استشهد والسبب مجهول
وصدر الطفولة مقابل المدفع

وحدّو رفيقو من الرعب مذهول
هول المصيبة جفف المدمع

والبي عاكرسي العجز مشلول
وقف القلب وتحجر المدمع

وتراب غزة باللحم مجبول
الوف الضحايا طهرها ودّع

عاحدودها مبارك سليل الفول
خاين،عميل، موصّل ، مقطّع

وحكام عاعروش الخيانة فلول
مثلو ، ويمكن عهرها أفظع

واحد بيقلك حددوا المسؤول
وواحد بيقلك مال عم ندفع

لكن بغزة رجال عم بتصول
ونخواتها عالشمس عم تطلع

وبزند عاحب الوطن مجدول
وقفة كرامة وعز عم يصنع

ومع كل طلقة بتنطلق بيقول
صامد أنا بوجه العدا صنديد

وإلا لوجه الرب ..مابركع

للـــقال هالقطـــــــــــــــاع مابيحرز
بغزة عيـــــــــــــــون تقابل المخرز

ماهو ترى وقت الأسى و النـــــــوح
ويــــــــن الغضب مايــــبرح؟ مركز

قلــــــو لصهيوني يــــــــزيد جروح
روح الحــــــــقد و الثــــــار, تتعزز

جــــرح الشــــــهامة راعف ومفتوح
يطلب من ســـــــــلاح الشرف مغرز

حـــــكام مَيِّة وجههـــــــــــون بتسوح
مـــــــا في ضمــــــــير بجنبهن يوخز

عار الخيانـــــــة شــــــيدولو صروح
مفتي, إلون بالـــــــــذل عــــــم يكرز

ببلاد ســـــــــــــــــام الميلها مفضوح
يقبّــــــل أيادي الســــــــــيد و المبرز

يـــرجـــــى مقــــام بهيئتو مســــفوح
مجلس أمن من مـــولدو معجَّـــــــــز

مــــادام في ســـــــــــاعد بغزة يلوح
يغزل لصهيون الــردى, ويحــــــرز

خـــلوا إبن صـــهيون يتبغــــــــــدد
نحــــنا بأكفانون عـــــــــــــــم نطرز

الليلة ، واخيرا ركبت السيبة
ورح يعقدوا شيوخ العرب قمة

وحسني مبارك قرر الغيبة
وبيريد يبقى جرذ بالعتمة

وسفلس نجدعاكرسة العيبة
باقي بحجة ما الو همّة

ان كان بقطَر والا بتخشيبة
وبعرف مارح بتفيدنا اللمة

رح يطلعوا بكرة ب"تغريبة"
بشجب وادانة وشدّ ع" الضمة"

يا ام العروبة لابقى تجيبي
وحاجي اسامي ناكته تسمي

ياريت بتموتي بقى ونرتاح
بيكفي مواقف عار يا " امي"

مــــــن ويـــــــــــــن رح إبــدا بهالقصة
والبــــــــــــــوح دوم بتخـنقو الغصة

مـن حكاية الســـــــــــد وهذاك الفــــــار
والا ســــــــقيفة ســــــــــاعدة وخــــصّا

ومــــــن غفــلة عيــونن أهــــــالي الدار
وع البــــاب قاعــــــد ينطــــرن لصّــــا

والا بنــــــــي مـــــــروان هـــالكـُــــرّار
الخــــــلوا الـــــردى يسـتسمحن فرصة

والا عصـــــــر هــــــارون عــــز الغار
وأســـحار فيـــها اســـــــتأمنت حِــــصّة

والا صــــــلاح الديـــــــــن هالمــــغوار
النفذ لأهـــــــــل القدس شـــــو تــوصى

لاتتعب بعـــــدون هـــــــــذولي كـــــثار
تحــصى؟!ــ أنــــا اتحدى ـ إذا بتحصى

ماتــــــو كبار! تســــــيدونا زغــــــــــار
الأم الحنـــــونـــــة ضيعت حــــرصــــا

صــــار العمـــايم تاجـــــــها مــن قــــار
رفعـــــوا البــــــدو عنـــا علــــى منصة

وتناوشـــــونا أهـــل مـــــع أغيــــــــــار
كلٍّ يــــــريــــــد مــن الكعـــك حــــصة

فـرس وعجـــم تـــرك وعلــــوج كـــثار
هـاماتنــــــــا بوجـــــودهن خمصـــــــة

شـــــو بخبرك شــــــو بخبرك شوصار!
شـــــــــو بخبـرك؟ فـــوق القبر عصّة؟!


مــدريـــد ؟! مــن يومـــا قلت عملولـــنا
مـــــــن بعد حـــــذف نقــــاطها , قَصة!

قلنالكن لا تعقدو القمّي
بشق النفس تاكملت اللمّي

قمة مابين الزور والغايات
نقّص نصابا ناقص الذمّي

حكام ماتت فيهن النخوات
ووجوههن بالعار منْطمّي

وملوك صاروا تنين عبداللات
ثاني وأول جاهل وامّي

بِ عدن يمكن كثرولو القات
وبمصر يمكن تقّل الشمّي

وكم عبد ربو من عبيد اللات
يهذي كفر من من شدة الحمّي

المولود طرح وكثرت البيّات
كل مين بدو خلقتو يسمّي

القمّة شموخ وبدها قامات
ما بدها جراذين بالخمّي

القمة رسالة بنودها آيات
وسيوف تعلا بساعد الهمة

بدها إرادة صادقة وحرّة
تعيد الشرف والمجد للأمّة