www.kabalan.com
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

www.kabalan.com

نعتذر عن استقبال مايسمى الشعر الحديث
 
الرئيسيةأحدث الصورالتسجيلدخول

 

 صوت الفلاح

اذهب الى الأسفل 
كاتب الموضوعرسالة
زياد
Admin
زياد


عدد الرسائل : 142
العمر : 65
الموقع : www.dr-kabalan.com
تاريخ التسجيل : 17/12/2008

صوت الفلاح Empty
مُساهمةموضوع: صوت الفلاح   صوت الفلاح I_icon_minitimeالسبت ديسمبر 27, 2008 10:26 am

صوت الفلاح

البارحه يوم اكتمل صوت الفلاح بمرقبي

سبت الكويت بكبرها تبكي ورا ظهري وجيت

اسج رجلي للمسا والليل يسبيني سبي

وانا من البارح معاه اسري ولا كني سريت

ما ارتح لين اني قريت اهلا بكم في ابو ظبي

في ذمتي ما كني الا وسط بيتي في الكويت

لأني ليامني نويت اسعى لتحقيق طلبي

ما ينثني عزمي على قولة لعل ولا يا ليت

ما قد تعبت الا لناس(ن) يستحقون تعبي

ولا عنيت الا لظل(ن) يحتويني لا عنيت

نصيتها من عقب وجه الله لوجه اليعربي

اللي ليا مني تذكرته ليا ضقت اعتزيت

فلاح ابن زايد يزود وتقصر متون وعبي

الشيخه اللي من دخلت لقلب راعيها دريت

ان الرفيق اللي يجنب خوة امثالك غبي

وان الطريق لباب بيتك يختصر مليون بيت

وان البخيت اهو الذي ياصلك لو كان يحبي

وان الذي يتعب قبل لا ياصلك ما هو بخيت

وإنك وطن ما حس فيه اني مسير واجنبي

وإنك نهر شربت منه ومن بعدها ما ضميت

وجهك غناي وراحتك كنزي وخوتك ذهبي

اغضب من اللي يغضبك وارضى ليا منك رضيت

يا شيخ انا ماني ملاك ولا رسول ولا نبي

انا الجميل اللي حفظك وبحتفظ بك ما حييت

انا رفيقك لا غداك الحزن يا شوق الظبي

انا شريكك لو حزنك ولو فرحت ولو سليت

خذني ذراعك صاحبك درعك معك باللي تبي

درعك ذراعك صاحبك انا معك باللي بغيت

اللي يحمله منكبك كأنه يحمله منكبي

إليا سهرت اسهر معك واغفى ليامنّك غفيت

يا سيدي لو يمتثل وزن القصيد لمطلبي

لاكتب فلاح بكل حرف وكل شطر وكل بيت

اكتب فلاح بمشرقي واكتب فلاح بمغربي

اكتب فلاح ليا ذكرت وبكتبه لامن نسيت

فلاح في صدري.. فلاح بكل شبر بكوكبي

فلاح فيّ وفي عروقي من هنيا للكويت

لا هنت يا مخجل يدي يا عزوتي يا مكسبي

يا شعري ليامن كتبت وصوتي ليامن حكيت

من يوم ما اوحيت الندى يجتثني من مرقبي

سبت الكويت بكبرها تبكي ورا ظهري وجيت

ما ارتحت لين اني قريت اهلا بكم في ابو ظبي

في ذمتي ما كني الا وسط بيتي في الكويت



بقلم : حامد زيد/ شاعر كويتي
الرجوع الى أعلى الصفحة اذهب الى الأسفل
https://kabalan.yoo7.com
 
صوت الفلاح
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
www.kabalan.com :: الفئة الأولى :: اشعار شعبية منوعة-
انتقل الى: