ميلاد سعيد

يا تيســــــير بدنا الليلي ـ.ـ.ـ.ـ نســــهر تالصبح يهلّي
وانكــــــون بهالمـنتدى ـ.ـ.ـ.ـ عيلي عا فـــردة مــيلي


يا خيي مبروك العـــيد ـ.ـ.ـ.ـ بالحـــقبة الســـــــتينيّة
بدل الكاس وبدل الغيد ـ.ـ.ـ.ـ بالســــــــــهرة التقليديّة
نوشّي حفلتنا تجـــديد ـ.ـ.ـ.ـ عـــا صفحـــــات النتيّة
وانشالله العمر المــديد ـ.ـ.ـ.ـ بالفرحـــة سنينو, تحلّي

نواف
(:-X ما أسهل أن تكون عاقلاً بعد فوات الأوان X-

أكيــــــد التين الحـــــليان ..... لازم بالســــــلّي نخبّي
وصاحــب القلب الهيمان ..... ســــنينو انطالت بتربي
رقـــــة و ذوق وعنفوان ..... ونرجـس إلفي و محبي
بيبقى صــــــامد بالميدان ..... الفـــــــراخ بجيبو يعبي
ومحسوبك بعدو عطشان ..... ولتالي العمر مخـــــبي
قَــرفي من شهد النسوان ..... وآمــان آمــان ياربـــي
.............. قلبي تفضّي وتملي ..............

تمــــــوز وآب وأيـــــلول.....تركنا وصــرنا بتشارين

جوّ النادي مش مقبـــــول.....بأعضاؤو الكســـــلانين

ماني عارف ليش الفـــول.....مفضّل عندن على التين

يمكن بتوافقني القـــــــول.....سنانون كلن حســـاسين

...............يا تيســـــــير بــدنا الحلّي ...............

الحلّ بإيِدَكْ يانوّافْ ...... بَدّا ثَوره عالمُديرْ
اتوَكّل عَاأللهْ ولاتخَافْ ..... نشيلو ونعَيّن تيسير
القُصّة بدّا هزْ كتافْ ...... وبَدّا تخطيط وتدبير
عِندي شبريي وَطّاف ..... من أيّام العُصّملّي

عم بتردَّد يـــا تيسـير ..... مـــــــرّة لأ ومــــــــرّة إيه
خــلينا قـــبل التغييـر ..... فرصــــــة آخــــيرة نعطيه
إللي عندك حلو كثير ..... وفيروس مــن عندي بِصليه
اْلبدُّو يقنى مَــغاتــير ..... لازم لَـَــ حِــنْتــو يعــــلّي